Ziejmë 400 gram oriz Basmati për rreth 10 minuta me kujdes dhe e heqim nga zjarri për sa kohë është akoma aldente.

Në pjatën ku kemi hedhur orizin basmati shtojmë krem djathi, vaj ulliri ekstra të virgjër, kripë, piper. Avokadon, kastravecin dhe djathin mocarella e presim në kubikë të vegjël. Salmonin e tymosur e copëtojmë në shirita të vegjël. Bashkojmë salmonin e prerë me perimet dhe djathin mocarella dhe i marinojmë me pak kripë, piper dhe vaj ulliri ekstra të virgjër.

Vendosim formën e rrumbullakët në qendër të pjatës ku do të bëjmë servirjen. Me anë të një luge formojmë shtresën e parë të përgatitur me oriz Basmati dhe krem djathi. Pasi sigurohemi që shtresa e parë është e njëtrajtshme, krijojmë shtresën e dytë me salmonin dhe perimet. Më pas shtojmë edhe një shtresë të fundit me përgatitjen e orizit Basmati dhe heqim me kujdes formën e rrumbullakët.

Vendosim mbi tortinon e përgatitur disa shirita avokado dhe salmon të prera hollë, si dhe pak fara susami.